Solevosa

Na vosa e nomu, na vosa e noqu, na Vosavakaviti e noda kece na kawa iTaukei ni Viti. 

Eda taukena vata na Vosavakaviti baleta ni vosa qo eda vakamacalataki keda kina, eda tukuni keda kina, eda veitalanoa kina vakawaitaukei. Ena iwase ni vuli na Solevosa, eda na raica tiko yani kina eso na iulutaga me vaka na Matuavosa, Vosa ni Vakabula, Na Tiki ni Yago, Wiliwili kei na so tale.  

The Fijian Language belongs to the indigenous Fijians or iTaukei. It is the language of instruction for the iTaukei. In this lesson, we will explore topics on the Fijian alphabet, Greetings in the Vanua Dialect, Body Parts, Counting and many more. 

Soleveiwekani

E na wase (Module) ni vuli qo e da na vulica kina na noda veiwekani vakavuvale kei na noda veiwekani vakavanua. E dua na tiki bibi ni itovo vakavanua vakaviti na Veiwekani. Era babasogasoga na noda veiwekani na iTaukei ena vuku ni duidui vanua eda lako mai kina ka veileleci kina na dra. Era tukuna na dauvakadidike se anthropologists, ni ituvaki ni bula vakavanua kei na noda wasewase tu vakaitokatoka, vakamataqali, se vakayavusa e tukuna tu na bibi ni veiwekani.

Soleitovo

E ka bibi vei keda na itaukei na itovo. E nai katolu ni wase ni vuli qo ka yacana tiko na Soleitovo, e da na vulica tiko kina na veimataqali tutu kei na itavi vakavanua. E da na vulica talega na na itovo e lomanivale, na isevusevu kei na veimataqali veiqaravi vakavanua.

Soleiyau

Ena iotioti ni wase ni vuli oqo e da na tara tiko yani na iyau. Eda vakabauta tu ni noda iyau ni vanua na itaukei, oya na veika eda vakasulumi kina mai vua na Kalou, me vaka, na noda Vosa, iTovo, qele, na iqoliqoli, kei na veika tale eso me vaka na cakacakaniliga eda kilai tani kina. E raibailevu toka na kena vakasama.